Ցանկացած պետության անվտանգություն կապված է

Անկախ իրավապաշտպան, աշխարհաքաղաքական գործիչ Արբակ Խաչատրյանը «АН»-ի հետ զրույցում ասաց, թե ինչու, իր կարծիքով, ոչ մի միջազգային միություն ի վիճակի չէ ապահովել երկրների անվտանգությունը։

-Պարոն Խաչատրյան, 2015 թվականից սկսած՝ դուք Ձեր հոդվածներում անդադար կրկնում էիք, որ ոչ մի միջազգային կառույց և դաշինք՝ ի դեմս BRICS-ի, ՆԱՏՕ-ի, ՄԱԿ-ի և այլնի, չի կարող ապահովել երկրների անվտանգությունը, քանի որ սնվում է մեկ աղբյուրից և հանդիսանում է միայն ֆինանսա-բանկային հրեշի գործիք։ Ինչպե՞ս եք գնահատում BRICS-ի վերջին գագաթնաժողովը և BRICS-ի ղեկավարների՝ դոլարին այլընտրանք գտնելու որոշումը։

-Ի՞նչ տարբերություն՝ դոլար, յուան ​​թե այլ արժույթ, եթե խաղի կանոնները հին են։ Ես արդեն ասել եմ, որ բազմաբևեռությունը վերաբերում է ժողովուրդներին, այլ ոչ թե համակարգերին կամ պետություններին, բայց խնդիրն այն է, որ շատ մարդիկ իրականում չեն հասկանում, թե ինչի մասին է խոսքը: Այսօր բոլորը խոսում են ընտանեկան արժեքների մասին՝ երբեմն չգիտակցելով, որ ցանկացած պետության անվտանգություն սերտորեն կապված է ընտանեկան արժեքների և ազգային հատկանիշների հետ, որոնք ամուր կապերով կապված են այն հողին, որը կոչվում է Հայրենիք։
Իսկ ի՞նչ նշանակություն ունի Անվտանգության խորհուրդը յուրաքանչյուր երկրի համար։ Հենց այս մարմինն է լուծում բազմաթիվ գաղտնի պետական ​​հարցեր, կայացնում ամենակարևոր որոշումները, որոնք երբեմն ուղղակիորեն կախված են արտաքին ֆինանսավորումից, սակայն, ամբողջ համաշխարհային ֆինանսա-բանկային համակարգի կառավարման վահանակը գտնվում է մի քանի ընտանիքների, այսպես կոչված, համաշխարհային տիրակալների ձեռքում։ Համաշխարհային բանկն է, որ գումար տրամադրելով յուրացնում է ցանկացած պետության գաղտնի ռազմավարություն, մինչդեռ նույն պետությունը ինչ-ինչ պատճառներով՝ իբր «գաղտնի տեղեկատվություն տարածելու» համար, կալանավորում և բանտարկում է որոշ բլոգերների։ Փաստորեն, բոլոր բանկերը՝ թե՛ պետական, թե՛ մասնավոր, Համաշխարհային բանկի մետաստազներն են, Կենտրոնական բանկերը նրանց փոխանակման կետերն են, իսկ երկրների ղեկավարները՝ այս համաշխարհային բանկային մաֆիայի կառավարիչները։ Իսկ անվտանգության մասին խոսք լինել չի կարող, մինչև այդ «թևերը» չկտրվեն։ Հասկացեք, եթե չփոխվի պետություն-արտաքին ֆինանսավորում և պետություն-բանկ-քաղաքացի հարաբերությունների արատավոր սխեման, ապա մարդկությունը դատապարտված է․․․ Մարդկանց կախվածության մեջ գցեցին դոլարից այնպես, ինչպես թմրանյութերից։ Մարդկության գոյությունը չպետք է կախված լինի փողի տեսքով թմրամիջոցից, այլ մարդկային արժեքների ամբողջությունից։

Տեսեք, թե այսօր ինչ արժեքներով է առաջնորդվում մարդկությունը... Ի՞նչն է այսօր գլխավորը դարձել բոլորի համար… Ի՞նչ և ո՞վ է այսօր բարձր հարգանք վայելում՝ ընտանիքի ինստիտուտը՞, հայրենասիրությո՞ւնը, ազնվությունը՞, բարոյականությունն ու փոխօգնությո՞ւնը․․ գիտնականները, տիեզերագնացներն ու Հայրենիքի պաշտպանները, թե՞ դոլարը, փողերի պարկերը, առևտրականներն ու խարդախները։ Երբևէ մտածե՞լ եք, թե ինչու են պատերազմի ժամանակ ավելի շատ հերոսներ, քան խաղաղ կյանքի պայմաններում։ Պարզապես ծայրահեղ պայմաններում մարդը (խոսքը վարձկանների մասին չէ) նախընտրում է իր հոգևորը, և նյութական արժեքները մղվում են տասներորդ պլան։ Մահվան առջև անհետանում են աշխարհիկ բոլոր կեղտերն ու պայմանականությունները, և զինվորի սրտում արթնանում են մոր, հոր, կնոջ, երեխաների, ընկերների հետ կապված հիշողությունները, որոնք արմատավորված են ՀԱՅՐԵՆԻՔ հասկացության մեջ։ Իսկ պատկերացնու՞մ եք, թե ինչ «սարեր շուռ կտային» մարդիկ հանուն Հայրենիքի, որը թույլ չէր տա, որ բանկը նույնիսկ մոտենա հերոսների ընտանիքներին կամ վատթարացնի իր քաղաքացիների ֆինանսական վիճակը։ Եթե ​​բանկը տոկոսով վարկ է տալիս իր հաճախորդներին, սա արդեն «շուկա» է, իսկ «շուկա»-ն նորմալ հարաբերություններ չի կառուցի և անվտանգություն չի ապահովի։

- Բայց, առանց շահույթի և տոկոսի, ոչ մի բանկ չի համաձայնի աշխատել...

- Բարձր աշխատավարձի դեպքում այն էլ ոնց կհամաձայնի։ Դուք պարզապես վարժվել եք դրան և չեք պատկերացնում, թե ինչպես կարող է բանկն այլ կերպ աշխատել: Ամերիկայում նույնպես, երբ ստրուկները ազատ արձակվեցին, նրանց առաջին հարցը հետևյալն էր՝ «Իսկ հիմա ո՞վ է մեր տերը»։ Հոլիվուդում կամ աշխարհի այլ խոշոր կինոստուդիաներում այս տականքների պատվերով նկարահանվում են «թույն» ֆիլմեր, որոնցում ասվում է, որ բանկին պարտքերը վերադարձնելը ընտանեկան պատիվ է և մարդու սուրբ պարտականություն։ Եվ մինչ այժմ հասարակությունն առաջնորդվում է այս պարտադրված կեղծ արժեքներով։ Իրական մշակույթը (Չեխով, Շեքսպիր, Չայկովսկի) փոխարինվեց ցածրակարգ շոու բիզնեսով։ Օրինակ, Հայաստանի կառավարությունն ավելի քան վեց միլիոն դոլար է հատկացրել ամերիկյան հիփ-հոփ աստղ Snoop Dogg-ի համերգը կազմակերպելու համար։ Իսկ ընտանեկան արժեքների, սիրո և մոր կողմից արժանավոր որդիների ու դուստրերի դաստիարակության մասին ֆիլմեր նկարահանելու պատվերներ չկան, սա դեմ է համաշխարհային մաֆիայի հայեցակարգին։ Բայց ինչ էլ ասես, ընտանիքով է սկսվում Հայրենիքը։ Ընտանիքը պետության ամուր հիմքն է։

- Դուք այս մասին շատ մանրամասն խոսեցիք «Երկրի զարգացումը կախված է նրանից, թե ում ենք մենք կրթում» հոդվածում, որում շեշտեցիք «Սուրբ Երրորդության» բնական մեխանիզմի գործարկման կարևորության մասին՝ որը մարդկային, այլ ոչ թե արհեստական ​​բանականության, ծնողական սիրո, մայրական բնազդի և համամարդկային արժեքների ամբողջականությունն է, որ ի վերջո մարդկանց արժանապատիվ կյանք կտա խաղաղ երկնքի տակ: Դուք նշեցիք, որ այս մեխանիզմում գլխավորը կլինի մարդկային կապիտալը, և ոչ թե այն անհոգի մատրիցան, որի մեջ այսօր մղված է ամբողջ աշխարհը... Այնուամենայնիվ, ինչպես բարեփոխել այս ոլորտը և որտեղի՞ց գտնել տնտեսական հիմքը առանց տոկոս ազգային բանկերի ստեղծման համար:

-Մեր գալակտիկան մարդկային խելքի կարիք ունի, ոչ թե խաբեության: Համաշխարհային կողոպտիչները ստեղծել են Դաշնային պահուստային համակարգը, Համաշխարհային բանկը, արժույթները և այլն: Իսկ ի՞նչն է պակասում Ռուսաստանին՝ խելք, տարածք, կամք, թե՞ ցանկություն, ազատվելու այդ հրեշավոր համակարգից։ Այս հարցում իրենց ներդրումը կարող են ունենալ ուղեղային կենտրոնները, որոնք, ելնելով տարածքի և ժողովրդի առանձնահատկություններից, հաշվի առնելով նրանց մտածելակերպը, ավանդույթները, հարևան երկրների կլիման և այլն, կառաջարկեն ում հետ ինչ փոխանակել, քանի որ քիչ հավանական է որ կհամընկնեն օրինակ «կապույտ» Սան Ֆրանցիսկոյի ու Հյուսիսային Կորեայի շահերը։ Թող աշխարհի հեղինակավոր համալսարանների համապատասխան մասնագետները (Լոմոնոսով, Բաուման, Յեյլ, Սորբոն և այլն) այս անգամ, հենվելով մարդկային արժեքների վրա, մշակեն ֆինանսական և բանկային համակարգի նոր արդար մոդել։ Պետք է փոխել համակարգը, և Մարդն իր զարգացման համար կստեղծի տեխնիկական, տնտեսական և այլ պայմաններ։ Մարդու կյանքը չպետք է կախված լինի արատավոր մատրիցայից։ Կրկին չեմ առաջարկում բանկային համակարգը լքել, ես պարզապես խոսում եմ այն ​​բարեփոխելու և ժողովրդին վերադարձնելու մասին՝ իրական հարմարավետության հատկանիշներով և դյուրին ծրագրերով։ Ի վերջո, Միջազգային բանկը ոչ մի բանկ չի բացելու ամայի տարածքում, օրինակ՝ անապատում կամ Էվերեստի գագաթին, քանի որ բանկը չի կարող գոյություն ունենալ առանց մարդկանց։ Իսկ այսօր պարզվում է, որ պետություններն ու ժողովուրդները Բանկեր են ստեղծում, որպեսզի նրանք էլ մեզ դարձնեն իրենց ստրուկները։ Եթե ​​բանկերը բացվում են մարդկանց համար, ուրեմն պետք է այդ մարդկանց մատուցեն ամեն տեսակի ծառայություններ և հարմարություններ, ոչ թե թալանեն, հետո ցինիկաբար փողոց նետեն փոքր երեխաներով մորը։ Այսօրվա բանկիրները, ոչինչ չարտադրելով ու ջանք չգործադրելով, զբաղվում են օրինական ինքնահարստացմամբ։ Իսկ նոր համակարգում՝ բանկը պետք է լինի միայն դրամական միջոցների ժամանակավոր պահպանման, կենսաթոշակների, աշխատավարձերի վճարման վայր՝ ոչ ավելի, իսկ բանկիրը՝ ֆիքսված աշխատավարձով սովորական աշխատող։ Փողը պետք է դառնա միայն ներքին և միջազգային փոխանակման միջոց։ Հասկացեք, պետական ​​բանկը պետական ​​կառույցի տարր է, և այժմ կախված է դրսից ֆինանսավորումից։ Այսպես չպետք է լինի: Ինչ վերաբերում է մասնավոր բանկերին, ապա պետությունը պետք է ուշադիր վերահսկի, թե որտեղից է իր ֆինանսավորումը և ինչ ծառայություններ է մտադիր մատուցել իր երկրի քաղաքացիներին։ Քաղաքացու շահերից ելնելով նրա ողջ գործունեությունը պետք է հստակ ձևակերպվի պետության և մասնավոր բանկի միջև կնքված պայմանագրում։

Բայց մի բան պետք է հստակ որոշել՝ նոր մոդելում առաջին տեղում պետք է լինեն մարդկային կապիտալը և համաշխարհային բանկային համակարգից անկախ ազգային բանկերը, որոնք իրավունք չեն ունենա հարստանալու մեր հաշվին և վատթարացնել մարդու ֆինանսական վիճակը։ Պետությունը Բանկի հետ պետք է պայմանագիր կնքի, որտեղ հստակ կնշվի, որ պետք է առանց շահի ամեն կերպ օգնի իր օրինապաշտ ու աշխատող քաղաքացիներին։ Եթե ​​քաղաքացու կամ կազմակերպության ֆինանսական վիճակը՝ լինի դա ՓԲԸ, ԲԲԸ և այլն, վատանում է, պայմանով, որ դա խարդախություն չէ, ապա ամբողջ պատասխանատվությունը կրում է Բանկն ու անձը կամ այս կազմակերպությունը դատի տալու լիակատար իրավունք ունի, իսկ ֆիզիկական կամ իրավաբանական անձի շահերը և իրավական ծախսերը պետք է կրեն կամ պետությունը կամ բանկը` կողմերի համաձայնությամբ:
Եթե ​​քաղաքացին ցանկանում է զբաղվել մասնավոր բիզնեսով և դրա համար դիմում է բանկ, իսկ աշխատակիցը ինչ-ինչ պատճառներով հրաժարվում է նրանից, ապա պետք է համապատասխան քննություն իրականացվի՝ տուգանքի կամ նկատողության ձևով, և եթե քննությամբ պարզվի, որ դա արվել է դիտավորությամբ, ապա քրեական գործ կհարուցվի բանկի այդ աշխատակցի նկատմամբ։ Մենք չենք ընդունում անհատական ​​ոչ ադեկվատ դեպքեր, երբ բանկի աշխատակցի գործողություններն առավել քան հասկանալի են։ Միայն նման արմատական ​​մեթոդներով ցանկացած պետություն իր ժողովրդի համար կդառնա ոչ թե անհոգի տարածք, այլ Հայրենիք, որով նրանք կհպարտանան ու կպաշտպանեն՝ չխնայելով իրենց կյանքը։

-Դեռ 2003 թվականին Լեֆորտովոյից Ռուսաստանի Դաշնության նախագահին ուղղված բաց նամակներում գրել էիք, որ երբ ստեղծվում է պետություն, զուգահեռ սահմանափակվում են մարդու իրավունքները։ Նկատի ունեիք նաև այս արատավոր, իբր, «ազգային» բանկային համակարգը՞։

- Բայց ես նաև շարունակություն ունեի այն մասին, որ քաղաքակիրթ պետությունը տարբերվում է նրանով, որ չի ազդում իր քաղաքացիների պատվի ու արժանապատվության վրա և կանաչ ճանապարհ է ապահովում մարդկային ինտելեկտի և արժեքների համար։

-Պարոն Խաչատրյան, վերջում ուզում ենք ձեզ մի հարց ուղղել թեմայից դուրս՝ Ռուսատանի դաշնության նախագահի աշխատակազմի մեր աղբյուրից տեղեկություն կա, որ Ձեզ խորհրդականի պաշտոն են առաջարկել։
- «Аргументы недели» կարելի է համարել իմ կյանքի արխիվը (ժպտում է) 20 տարի առաջ «վարչապետի» առաջարկը, հետո Լեֆորտովոն, ՊԱԿ-ի (Պետական ​​անվտանգության կոմիտե) նկուղները։ Դուք պետք է ավելի լավ հասկանաք ինձ: Երբ աշխարհը քաոսի մեջ է, իսկապե՞ս կա մի տեղ, որտեղ ցանկացած մակարդակի պաշտոնյան իսկապես կարող է փոփոխություն կատարել: Ինձ համար այս ինստիտուտը դեռևս համաշխարհային մատրիցայի կամքի կատարողն է, որը մարդկությանը հասցրեց փլուզման։